[东方报]世冠盃：爭得球盡情狂數 賓菲加主其他值捧[06-20]

世冠盃C組次輪強弱懸殊之戰，賓菲加對住業餘球隊奧克蘭。賓菲加首輪失分，為晉級今場唔衰得，難得奧克蘭係「冇骨魚腩」，仲唔趁機數得就數咩？必定大炒一場，不妨捧主其他（客無入球）。（周六凌晨零時開賽）

葡超勁旅賓菲加首輪對住小保加，落後兩球劣勢下，憑兩名老將迪馬利亞同奧達文迪各建一功，成功逼和2比2，查實佢哋全場無論控制大局，中龍埋門都比較多，如果唔係前鋒比洛迪領紅打少個，反勝都唔奇。由於賓菲加尾輪仲要鬥拜仁，一定要喺奧克蘭身上盡數，因為得失球隨時係出線關鍵。

奧克蘭唔介意慘敗
大洋洲代表奧克蘭到底有幾弱雞？從首輪喺拜仁射手哈利卡尼食白果情況下，仍然慘吞10蛋，有辦你睇喇。奧克蘭係今屆賽事唯一業餘球隊，陣中好多球員都有份正職，包括保險經紀、老師、髮型師等等，佢哋好多都要自己請假先嚟到，就算上場失10球嘅門將干拿特卓斯都話冇所謂，因為難得有機會同拜仁、賓菲加同小保加交手，絕對值得，明顯心態上係志在參與，順便追星，賓菲加梗係唔會同你客氣喇，大勝可期。